Ասֆալտապատումը կտեսանկարահանե՞ն
Mon, 02 Mar 2026 11:09:32 +0400
Երևանի քաղաքապետ Տիգրան Ավինյանը հայտնել է, որ առաջիկա մի քանի օրերին եղանակային պայմանները հնարավորություն կտան իրականացնել ասֆալտապատման աշխատանքներ։
Քաղաքապետը հատուկ հանձնարարական է տվել՝ բոլոր աշխատանքները պարտադիր կերպով տեսաձայնագրելու վերաբերյալ։ Ավինյանի խոսքով՝ յուրաքանչյուր իրականացված աշխատանքի համար պետք է լինի ամբողջական տեսահոլովակ, որը ցույց կտա, թե ինչպես է իրականացվել տվյալ գործընթացը։ Միայն այդ պայմանով է թույլատրվելու կատարված աշխատանքի դիմաց վճարումը։
«Եթե տեսանյութ չկա, վճարում նույնպես չի կարող լինել», — ընդգծել է քաղաքապետը: