Առաջին անգամ Մերկուրի մոլորակը կուսումնասիրեն երկու արբանյակների օգնությամբ
Sun, 22 Nov 2026 23:45:13 +0400
BepiColombo տիեզերական առաքելությունը պատմության մեջ առաջին անգամ թույլ կտա ուսումնասիրել Մերկուրի մոլորակը՝ միանգամից երկու արբանյակների օգնությամբ, որոնք պատրաստվել են Եվրոպայում եւ Ճապոնիայում։ Ութ տարի տեւած թռիչքից հետո զոնդերը հասել են Արեգակին ամենամոտ մոլորակին։ Գիտական լիարժեք ուսումնասիրություններ իրականացնել հնարավոր կլինի հաջորդ տարվա ապրիլի վեցին։ BepiColombo-ի նպատակը Մերկուրիի մի քանի առեղծվածների բացահայտումն է։ Նախագծի արժեքը կազմում է 1,6 միլիարդ եվրո։ Նախ՝ գիտնականները վերջինիս օգնությամբ մտադիր են ուսումնասիրել Մարկուրիի միջուկը, որը մոլորակի ծավալի յոթանասունհինգ տոկոսն է զբաղեցնում, ինչպես նաեւ՝ մագնիսական դաշտերը եւ Մերկուրիի մագնիսական դաշտի եւ արեգակնային քամիների փոխազդեցությունները։ Հատուկ ուշադրության են դարձվելու խառնարաններին, որոնք պարունակում են ջրային սառույց, ինչպես նաեւ՝ հրաբխային հարթություններին եւ լեռնային զանգվածներին։