Կեղծ ալկոհոլից զանգվածային թունավորումը 15 մարդու կյանք է խլել
Sun, 22 Nov 2026 22:52:33 +0400
Հնդկաստանի Մանիպուր նահանգում կոնտրաֆակտ ալկոհոլի օգտագործման հետեւանքով տասնհինգ մարդ է զոհվել։ Զանգվածային թունավորման պատճառով՝ եւս հարյուր ութսուն մարդ հոսպիտալացվել է։ Այս մասին հայտնում է India Today պարբերականը։ Համաձայն հաղորդման, իշխանությունները հանձնարարել են նահանգի երկու առաջատար բուժկենտրոններին ապահովել զանգվածային թունավորումից տուժածների բուժսպասարկումն ու բուժումը՝ բարձր մակարդակով՝ ապահովելով նաեւ անհրաժեշտ հավելյալ օգնություն։ Զուգահեռաբար՝ հանձնարարվել է իրավապահներին եւ այլ պատկան մարմինների սկսել հետաքննություն եւ պարզել տեղի ունեցածի բոլոր հանգամանքներն ու մանրամասները։ Տեղի ԶԼՄ-ների փոխանցմամբ, զանգվածային թունավորումից տուժածներից շատերի մոտ ախտանիշները համապատասխանում են մեթանոլից թունավորման ախտանիշներին։ Զանգվածային թունավորման շրջան ուղարկվել են բժիշկների եւ առողջապահության ոլորտի այլ աշխատողների հավելյալ բրիգադ։