Իրանը հայտնել է ավելի քան 35 արբանյակի մշակման և ռադիոտեղորոշման տեխնոլոգիաների զարգացման մասին

Իրանը հայտնել է ավելի քան 35 արբանյակի մշակման և ռադիոտեղորոշման տեխնոլոգիաների զարգացման մասին

Sun, 22 Nov 2026 22:30:25 +0400


Իրանը մշակում է ավելի քան 35 արբանյակ, ինչը վկայում է արբանյակաշինության ոլորտում երկրի գիտական և տեխնոլոգիական կարողությունների զգալի զարգացման մասին, հայտարարել է Իրանի տիեզերական գործակալության ղեկավար Հասան Սալարիեն, տեղեկացնում է Mehr-ը։

Կիրակի օրը ելույթ ունենալով «Հույսի գավաթ» մեդիա երրորդ փառատոնի միջոցառումների շրջանակում՝ Սալարիեն ներկայացրել է երկրի տիեզերական ոլորտի ներկա վիճակը։ Ըստ նրա, Իրանի տիեզերական գործակալությունը պատասխանատու է տիեզերական գործունեության ընդհանուր կառավարման, քաղաքականության մշակման և կարգավորման համար։ Այդ գործունեությանը մասնակցում են մասնավոր ընկերություններ, համալսարաններ, գիտական կենտրոններ, ինչպես նաև պետական և մասնավոր ձեռնարկություններ։

Սալարիեն, որը նաև Իրանի տեղեկատվական և հաղորդակցական տեխնոլոգիաների փոխնախարարն է, նշել է տիեզերական ոլորտում մասնավոր հատվածի և համալսարանների ակտիվության աճը։ Նրա հաղորդմամբ, ներկայումս երկրում մշակվում է ավելի քան 35 արբանյակ, ինչը արտացոլում է այս ոլորտում Իրանի գիտական, արդյունաբերական և տեխնոլոգիական ներուժի ընդլայնումը։

Գործակալության ղեկավարը նաև ներկայացրել է նահատակ Սոլեյմանիի անվան արբանյակային համակարգի նախագիծը։ Նախագծի առաջին փուլով նախատեսվում է ստեղծել 24 արբանյակ։

Հաստատված ծրագրի համաձայն, այս համակարգի արբանյակների երեք փորձանմուշները կներկայացվեն այս տարվա Ֆաջրի տասնօրյակի տոնակատարություններին նվիրված միջոցառումների ընթացքում։ Իրանում այս ժամանակահատվածը նշում են ի հիշատակ 1979 թվականին այաթոլլա Ռուհոլլահ Խոմեյնիի՝ երկիր վերադարձի և Իսլամական հեղափոխության հաղթանակի։

Բացի այդ, Իրանը մշակում է Երկրի հեռազննման արբանյակներ՝ մեկ մետր կամ ավելի բարձր լուծաչափով նկարահանումների համար։ Նման սարքերը հնարավորություն են տալիս ստանալ Երկրի մակերևույթի մանրամասն պատկերներ, իսկ հավաքված տվյալները կարող են օգտագործվել տարբեր ոլորտներում։

Սալարիեն որպես մեկ այլ ուղղություն նշել է ռադիոտեղորոշիչ արբանյակների՝ Երկրի հեռազննման նոր սերնդի սարքերի մշակումը։

Ռադիոտեղորոշման տեխնոլոգիաների կիրառման շնորհիվ դրանք կարող են պատկերներ ստանալ և տվյալներ հավաքել՝ անկախ եղանակային պայմաններից, այդ թվում՝ ամպամածությունից ու ձնածածկույթից, ինչպես նաև մթնոլորտային այլ խոչընդոտներից։

Փոխնախարարի կարծիքով, տիեզերական տեխնոլոգիաների զարգացումը մեծ նշանակություն ունի ռեսուրսների կառավարման և պետական պլանավորման համար։

Արբանյակային համախմբի հնարավորությունների ընդլայնումը թույլ կտա ավելի արդյունավետ դիտարկել Երկիրը, կառավարել բնական ռեսուրսները և ճշգրիտ տվյալներ կիրառել տնտեսության տարբեր ոլորտներում։

© 2026 Հրապարակ

Source: Hraparak

Hraparak.am

Recent Posts

Գեղամ Նազարյանը ներողություն է խնդրում լրագրողից

Գեղամ Նազարյանը ներողություն է խնդրում լրագրողից Sun, 22 Nov 2026 22:35:26 +0400 Երևանի առաջին ատյանի…

9 րոպե ago

2021 թվականից սկսած Հայաստանն ունի թուրքի պահած իշխանություն

2021 թվականից սկսած Հայաստանն ունի թուրքի պահած իշխանություն Sun, 22 Nov 2026 22:30:24 +0400 Latest…

14 րոպե ago

Թուրքիայում վաճառում են 3.6 կգ քաշով վաֆլի

Թուրքիայում վաճառում են 3.6 կգ քաշով վաֆլի Sun, 22 Nov 2026 22:19:45 +0400 Քաղցրավենիք արտադրող…

25 րոպե ago

Ամերիկացի նախարարի այցը Բաքու կապ ունի՞ TRIPP-ի մասին Փաշինյանի հայտարարության հետ

Ամերիկացի նախարարի այցը Բաքու կապ ունի՞ TRIPP-ի մասին Փաշինյանի հայտարարության հետ Sun, 22 Nov 2026…

29 րոպե ago

ԵՄ-ն կրճատում է բյուջեն․ Չեխիայի վարչապետը զայրացած է

ԵՄ-ն կրճատում է բյուջեն․ Չեխիայի վարչապետը զայրացած է Sun, 22 Nov 2026 22:05:26 +0400 Չեխիայի…

39 րոպե ago

Կատակով իր աշխատակազմի ղեկավարին առաջարկել է մասնակցել ընտրություններին

Կատակով իր աշխատակազմի ղեկավարին առաջարկել է մասնակցել ընտրություններին Sun, 22 Nov 2026 22:00:17 +0400 ԱՄՆ…

44 րոպե ago