«Բոլորին դեմ եմ» նախաձեռնությանը միացել է 756 քաղաքացի

«Բոլորին դեմ եմ» նախաձեռնությանը միացել է 756 քաղաքացի

Tue, 03 Mar 2026 21:15:00 +0400


Փետրվարի 1-ին հիմնադրվեց մի տարօրինակ անունով նախաձեռնություն` «Բոլորին դեմ եմ»։ Նախաձեռնության հեղինակները մի խումբ երիտասարդներ են: Նրանցից մեկը` Իշխան Գեւորգյանը դեռ նախորդ ամիս կարճ ձեւակերպել էր իրենց նպատակը՝ մեր ուզածը 100 օրվա մանդատ է։ «Կուսակցությունը հիմնադրվում է այն նպատակով, որ մասնակցի 2026-ի ընտրություններին եւ 100 օրվա ընթացքում երեք փոփոխություն կատարելուց հետո անցկացնի նոր ընտրություններ»,- ասել էր նա եւ նշել, որ առաջարկվող երեք փոփոխություններից մեկը վերաբերում է «դեմ եմ բոլորին» ընտրական քվեաթերթիկի վերականգնմանը, երկրորդը՝ կայուն մեծամասնության չեղարկմանը, իսկ երրորդը՝ ընտրական շեմի իջեցմանը։

Նախաձեռնության անդամներից Միքայել Նահապետյանը «Հրապարակի» հետ զրույցում ասել էր. ««Բոլորին դեմ եմ»-ը բոյկոտի կոչ չէ, հակառակը` ակտիվ մասնակցության, որպեսզի վարչական ռեսուրսով եւ այլ եղանակներով բերվող ձայները բարձր մասնակցության մեջ ունենան փոքր կշիռ, եւ ոչ ոք չկարողանա իր ունեցած ռեսուրսներից օգտվելով, դառնալ թագավոր եւ միանձնյա իշխել Հայաստանը: Մենք ստեղծում ենք «Բոլորին դեմ եմ» ինքնալուծարվող կուսակցությունը, քանի որ առանց կուսակցության հնարավոր չէ ընտրություններին մասնակցել եւ բան փոխել: Հաջողության հասնելու դեպքում ստեղծելու ենք 100-օրյա կառավարություն, կկազմակերպենք նոր արտահերթ ընտրություններ, ինչից հետո կուսակցությունը կլուծարվի: Արդյունքում կստացվի, որ իշխող թիմը չի կարողանա պետական ռեսուրսներն օգտագործել իր վերարտադրման համար, եւ տեղի կունենա հավասար մրցապայքար` նոր կանոններով: Հայաստանում վերջապես մեկ անգամ կարող է տեղի ունենալ ընտրություն` առանց վարչական ռեսուրսի ու կողմնակալ մոտեցումների: Մեր առաջարկը սա է»:

Նշենք, որ «Բոլորին դեմ եմ» շարժում-նախաձեռնությունը ունի պաշտոնական կայքէջ, որտեղ ցանկացած քաղաքացի կարող է միանալ նախաձեռնությանը, նշելով` անուն, ազգանուն և հեռախոսահամար: Կայքէջում մարտի 3-ի դրությամբ նախաձեռնությանը միացել է 756 քաղաքացի, ֆինանսապես աջակցում է ավելի քան 174 մարդ:

© 2026 Secure News Portal

Source: Hraparak

Hraparak.am

Recent Posts

Հայտնի է՝ երբ կհրապարակվի Սահմանադրության նախնական նախագիծը

Հայտնի է՝ երբ կհրապարակվի Սահմանադրության նախնական նախագիծը Thu, 19 Nov 2026 13:40:26 +0400 ՀՀ նոր…

11 րոպե ago

Չեմ առաջադրվի, եթե դա տեղի ունենա

Չեմ առաջադրվի, եթե դա տեղի ունենա Thu, 19 Nov 2026 13:39:00 +0400 Նիկոլ Փաշինյանը քիչ…

12 րոպե ago

Փաշինյանն ասաց՝ որ դեպքում հրաժարական կտա

Փաշինյանն ասաց՝ որ դեպքում հրաժարական կտա Thu, 19 Nov 2026 13:33:03 +0400 ՀՀ վարչապետ Նիկոլ…

18 րոպե ago

Երազում էր, որ Մանվելը միանար իրենց

Երազում էր, որ Մանվելը միանար իրենց Thu, 19 Nov 2026 13:31:19 +0400 Ընդդիմադիր պատգամավոր Մեսրոպ…

20 րոպե ago

Մեկնարկել է եռակողմ հանդիպումը

Մեկնարկել է եռակողմ հանդիպումը Thu, 19 Nov 2026 13:30:33 +0400 Ռուսաստանի նախագահ Վլադիմիր Պուտինը, Չինաստանի…

21 րոպե ago

Սնուփ Դոգի և Ջենիֆեր Լոպեսի համերգների մասին․ ի՞նչ պատասխանեց նախարարը

Սնուփ Դոգի և Ջենիֆեր Լոպեսի համերգների մասին․ ի՞նչ պատասխանեց նախարարը Thu, 19 Nov 2026 13:26:13…

25 րոպե ago