Բաքվում հակաիրանական հիստերիա է․ ինչ է պնդում ՊՆ-ն
Thu, 05 Mar 2026 18:00:03 +0400
Իրանի գլխավոր շտաբի կողմից Ադրբեջանի (Նախիջևանի-խմբ․) դեմ հարձակումների ժխտումը բացարձակապես անընդունելի է, ասվում է Ադրբեջանի աշտպանության նախարարության հայտարարության մեջ։
«Իրանի Իսլամական Հանրապետության զինված ուժերի չորս անօդաչու թռչող սարքեր արձակվել են Ադրբեջանի Նախիջևանի շրջանի ուղղությամբ՝ հարձակումներ իրականացնելու համար։ Դրանցից մեկը ոչնչացվել է ադրբեջանական բանակի կողմից, իսկ մյուսները թիրախավորել են քաղաքացիական ենթակառուցվածքները, այդ թվում՝ միջնակարգ դպրոցը։
Բարեբախտաբար, դպրոցի վրա ուղղված անօդաչու թռչող սարքը վրիպել է նշանակետից և շենքի մոտ ընկնելուց հետո պայթել է»։
Ավելի վաղ Ադրբեջանի ԱԳՆ-ն և ՊՆ-ն կոշտ հայտարարություններ և մեղադրանքներ էին հնչեցրել իրանական կողմի հասցեին՝ նշելով, որ հարձակման թիրախ է եղել նաև Նախիջևանի օդանավակայանը, իսկ միջադեպի հետևանքով չորս խաղաղ բնակիչ է վիրավորվել, դպրոցից տարհանվել են ուսուցիչներն ու աշակերտները։
Հիշեցնենք, որ միջադեպի հետ կապված Իլհամ Ալիևը ԱԽ հրատապ նիստ է հրավիրել և հայտարարել, որ Թեհրանն ահաբեկչության համար պետք է ներողություն խնդրի, իսկ մեղավորները պատասխանատվության ենթարկեն։
Նա նշել էր նաև, որ բանակը բերվել է մարտական բարձր պատրաստվության՝ միաժամանակ սպառնալով հակահարված տալ Իրանին։
Հիշեցնենք, ԻԻՀ ԱԳՆ-ն հերքել էր, որ երկիրը միջադեպին առնչություն ունի։