ՀՀ սահմանային անցակետերում բեռնատարների համար կկառուցվեն վճարովի կայանատեղիներ. ՊԵԿ
Thu, 05 Mar 2026 21:15:00 +0400
ՀՀ սահմանային անցակետերում բեռնատարների հերթերի կառավարման համար կկառուցվեն վճարովի կայանատեղիներ։ Տեղեկությունը հայտնում է ՀՀ պետական եկամուտների կոմիտեի մամուլի ծառայությունը։
«Պետական սահմանի ավտոմոբիլային անցման կետերից ոչ ավելի, քան 20 կմ հեռավորության վրա նախատեսվում է վճարովի կայանատեղիների կազմակերպման գործունեություն, որը միտված է սահմանային անցման կետերում ծանրաբեռնվածության թեթևացմանը, բեռնատար տրանսպորտային միջոցների հոսքի կանոնակարգմանը և հերթերի առաջացման կանխարգելմանը»,– ասվում է կոմիտեի հայտարարության մեջ։
Կոմիտեից նշում են, որ հերթերի կառավարման պատշաճ համակարգ ներդնելու նպատակով ուսումնասիրվել է մի շարք երկրների փորձը, ինչպես նաև հարցում է իրականացվել բեռնափոխադրումներ իրականացնող տնտեսվարողների շրջանում։