Մոտավոր հաշվարկների համաձայն, Մերձավոր Արեւելքում միայն ՌԴ-ից 50 հազար տուրիստ կա ներկայումս եւ ռեգիոնից միայն ռուսաստանցի տուրիստներին տարհանելու համար անհրաժեշտ կլինի ոչ պակաս, քան 7-10 օր։ Այս մասին հայտնում է Ռուսական Տուրիստական արդյունաբերության միությունը։ Ամենաշատ ռուսաստանցի տուրիստները Դուբայում են։

Ներկայումս հայտնի է, որ Դուբայի միջազգային օդանավակայանը մասամբ վերականգնել է աշխատանքը, սակայն ԱՄԷ ավիացիոն իշխանությունները դեռեւս օրական 4 չվերթից ավելի թռիչքի թույլտվություն չեն տալիս։ Ռուսական ավիաընկերություններից միայն «Աէրոֆլոտն» է, որը իրավունք է ստացել ԱՄԷ իշխանությունների կողմից տարհանման թռիչքներ իրականացնելուը։ Մարտի երկուսից սկսած՝ արդեն 4,5 հազար ռուսաստանցի տուրիստ տարհանվել է։