Ու՞մ պատճառով է Թաքեր Կարլսոնը հայտնվել Թրամփի «սև ցուցակում»
Fri, 06 Mar 2026 16:30:35 +0400
ԱՄՆ նախագահ Դոնալդ Թրամփը հայտարարել է, որ լրագրող Թաքեր Կարլսոնը այլևս «Make America Great Again» (MAGA) շարժման կողմնակիցների թվում չէ։ Նրա պնդմամբ, դա պայմանավորված է նրանով, որ վերջինս շեղվել է ճիշտ ուղուց՝ Իրանում ամերիկյան գործողության վերաբերյալ դիրքորոշման պատճառով։
«Թաքերը շեղվել է ճանապարհից։ Ես դա վաղուց գիտեմ, և նա MAGA-ի կողմնակից չէ։ MAGA-ն փրկում է մեր երկիրը։
MAGA-ն մեր երկիրը կրկին մեծ է դարձնում։ MAGA-ն «Ամերիկան առաջին հերթին» սկզբունքն է, իսկ Թաքերը դրանցից ոչ մեկը չէ», – ասել է Թրամփը ABC News-ին տված հարցազրույցում։
Մինչ այդ ամերիկացի հայտնի լրագրողը քննադատել էր ԱՄՆ առաջնորդի որոշումը՝ Իսրայելի հետ համատեղ ռազմական գործողություն սկսել Իրանի դեմ։ Նա Թեհրանի վրա հարվածները որակել է որպես «բացարձակապես զզվելի և չար»։