Փաշինյանի այցից առաջ Գյումրին «ոստիկանապատվել» է․ քաղաք են բերվել նաև այլ մարզերի ուժեր
Sat, 07 Mar 2026 12:52:34 +0400
Նիկոլ Փաշինյանը այսօր իր թիմի հետ հերթական մարզային այցն է իրականացնում` ուրախ ավտոբուսով։ Այցի ուղղությունը դեպի Շիրակի մարզ է, որի շրջանակում նախատեսվում է նաև այցը Գյումրի։
Մեր տեղեկություններով՝ նրանք մտադիր են հանդիպում ունենալ գյումրեցիների հետ, ինչպես նաև շրջել քաղաքում։
Թերևս հենց այս այցով է պայմանավորված այն, որ այս պահին Գյումրիում մեծաթիվ ոստիկանական ուժեր են կենտրոնացված։
Քաղաքի տարբեր հատվածներում նկատվում է ուժեղացված ոստիկանական հսկողություն։
Մեր աղբյուրների փոխանցմամբ՝ Գյումրի են տեղափոխվել նաև այլ մարզերի ոստիկաններ։ Մասնավորապես, տեղեկություններ կան, որ քաղաք են բերվել ոստիկանության ծառայողներ նաև Արմավիրի մարզից։
Նշենք նաև, որ մեր հավաստի տեղեկություններով` ՔՊ֊ականների հիմնական կանգառը Արթիկն ու Մարալիկն են, որտեղ ՔՊ֊ական համայնքապետները պատրաստված սպասում են իրենց թիմակիցներին։ Մեր աղբյուրների փոխանցմամբ` ՔՊ-ականները որոշել են մարզկենտրոն Գյումրի մտնել, եթե միայն ավելորդ ժամանակ ունենան։
Մեր տեսեկություններով՝ վստահ չեն, որ արժի Գյումրի մտնել, չգիեն ինչ հյուրընկալության կարժանան։