Սկսել են զեղչված գնով ոսկի վաճառել

Sat, 07 Mar 2026 16:30:00 +0400

Մերձավոր Արեւելքում իրավիճակի սրացումը հանգեցրել է նրան, որ Դուբայում սկսել են մեծ քանակությամբ ոսկի վաճառել՝ զեղչված գներով։ Այս մասին հայտնում է Bloomberg պարբերականը։ Բանն այն է, որ Իրանական հակամարտության պատճառով հաճախակի չեղարկվում են ավիաթռիչքները, ինչը խանգարում է ոսկու տեղաշարժին։ Շատ գնորդներ նախընտրում են զերծ մնալ նոր պատվերներից, քանի որ չեն ցանկանում առաքման ու ապահովագրության վրա շատ գումար ծախսել։ Արդյունքում, ոսկու վաճառքով զբաղվողները սկսել են զեղչով ոսկի առաջարկել։ Ընդ որում զեղչը կարող է հասնել մինչեւ 30 դոլար 1 ունցիայի համար, որը համարժեք է 31,1 գրամի։Նշենք, որ Դուբայն ու ԱՄԷ-ն ոսկու վերամշակման կարեւոր կենտրոն են հանդիսանում Ասիական աշխարհամասում եւ նաեւ՝ կարեւոր տարանցիկ ուղի Մեծ Բրիտանիայից, Շվեյցարիայից եւ մի շարք աֆրիկյան երկրներից ոսկու մատակարարումների համար։ Սակայն օդային տարածքի հետ եղած խնդիները, որոնք առաջացել են Իրանական կոնֆլիկտի պատճառով, ներկայումս մեծ խնդիրներ են ստեղծել բիզնեսի համար։