Աշխարհահռչակ երգչուհին համաձայնել է բուժվել՝ ոստիկանների տեսադաշտում հայտնվելուց հետո
Sat, 07 Mar 2026 18:30:39 +0400
Աշխարհահռչակ ամերիկացի փոփ-երգչուհի Բրիթնի Սփիրսը, ով օրեր առաջ ձերբակալվել էր՝ ոչ սթափ վիճակում մեքենա վարելու համար, համաձայնել է բուժման կուրս անցնել։ Նրա թիմից հայտարարել են, որ հույս ունեն, որ դատարանը ազատազրկման փոխարեն նրան բուժման կուրս կնշանակի։ Այս մասին հայտնում է TMZ-ն։Հիշեցնենք, որ Բրիթնի Սփիրսը դատարանի առաջ կկանգնի այս տարվա մայիսի 4-ին՝ ոչ սթափ վիճակում տրանսպորտային միջոց վարելու համար։ Նա ձերբակալվել էր Կալիֆորնիայի Վենտուրայի շրջանում։