Գովաբանել է՝ խաղաղարար միջնորդ դառնալու պատրաստակամության համար
Sun, 08 Mar 2026 21:30:57 +0400
ԱՄՆ նախագահ Դոնալդ Թրամփը գովասանքի խոսքեր է շռայլել Իտալիայի վարչապետ Ջորջիա Մելոնիի հասցեին այն բանի համար, որ պատրաստակամություն է հայտնել դառնալ խաղաղարար միջնորդ՝ Միացյալ Նահանգների, Իսրայելի եւ Իրանի միջեւ։ Այս մասին հայտնում է Corriere della Sera պարբերականը։ Համաձայն հաղորդման, նախօրեին նախագահ Թրամփը հեռախոսային կապի միջոցով հարցազրույց է տվել նշված պարբերականին, որում Մելոնիին անվանել է «մեծ առաջնորդ», եւ նկատել, որ Իտալիան ամեն հնարավորն անում է, որպեսզի օգնի։
Հիշեցնենք, որ օրեր առաջ՝ Իտալիայի վարչապետ Ջորջիա Մելոնին հայտարարել էր, որ մտադիր է օգնություն ուղարկել Պարսից ծոցի երկրներին՝ հակաօդային պաշտպանության միջոցների տեսքով։ Նա նաեւ ասել է, որ իտալական ռազմանավը պատրաստվում է ուղեւորվել Կիպրոս՝ եվրոպական համատեղ առաքելության կազմում՝ կղզու պաշտպանունակությունը ամրացնելու համար։