Խորհուրդ են տալիս արագ ավարտել պատերազմը
Tue, 10 Mar 2026 16:30:52 +0400
ԱՄՆ նախագահ Դոնալդ Թրամփի խորհրդականները մասնավոր կերպով խորհուրդ են տվել նախագահին ավարտել պատերազմը՝ հանրային աջակցությունից չզրկվելու համար։ Այս մասին հայտնում է The Wall Street Journal պարբերականը։ Համաձայն հաղորդման, ԱՄՆ նախագահին զարմացրել է այն, որ Թեհրանը հրաժարվել է հանձնվել։ Թրամփի շրջապատում կարծում են, որ անհրաժեշտ է ռազմական հակամարտությունն ավարտելու կամ պատերազմից դուրս գալու պլան մշակել եւ այն մատուցել որպես ամերիկյան զորքերի կողմից առաջադրված խնդիրները կատարած լինելու մասին իրողություն, որով պատերազմի շարունակումը դառնում է անիմաստ։
Եթե հակամարտությունը Իրանի հետ ձգձգվի, ապա Թրամփի հանրային աջակցությունը պարզապես կփլուզվի։ Հատկապես, որ այժմ էլ նրան աջակցողների տեսակարարա կշիռը շատ փոքր է։ «Երբ թանկանում են նավթն ու գազը, թանկանում է ամեն բան։ Իսկ ապրանքների եւ ծառայությունների թանկացումը, կամ որ նույնն է՝ դրանց հասանելիության սահմանափակումը արդեն խնդիր է։ Նոր գնաճը կարող է լուրջ պրոբլեմների բերել»,- ասված է հոդվածում՝ մեջբերելով Թրամփի խորհրդականներից մեկի խոսքերը։