Եթե որևէ անձ փորձի այդքանից ավել նվիրատվություն կատարել, պատասխանատվություն կա
Wed, 11 Mar 2026 16:10:23 +0400
Հայաստանում կուսակցությունների և դաշինքների ֆինանսավորումը կիրականացվի նախընտրական հիմնադրամների միջոցով, որոնց առավելագույն չափը սահմանվել է 800 մլն դրամ: Այս մասին մարտի 11-ին մամուլի ասուլիսի ժամանակ հայտարարել է ԿԸՀ նախագահ Վահագն Հովակիմյանը:
Հովակիմյանի խոսքով՝ հիմնադրամներին փոխանցումները կկատարեն միայն կուսակցությունները կամ դաշինքներում ընդգրկված կուսակցությունները՝ իրենց պաշտոնական բանկային հաշիվների միջոցով: «Այդ հաշիվներին փոխանցվող գումարները կարող են կազմվել բացառապես ՀՀ քաղաքացիների նվիրատվություններից, որոնք մեկ տարվա ընթացքում չեն գերազանցի 10 մլն դրամը», – պարզաբանել է նա:
Նա նաև ընդգծել է, որ Քրեական օրենսգրքի պահանջներով պատասխանատվություն է նախատեսված այն դեպքում, եթե որևէ անձ փորձի ավելի քան 10 մլն դրամ նվիրատվություն կատարել՝ նպատակ ունենալով մյուս անձանց ներգրավել այդ գործընթացում: