Ռուս-ամերիկյան բանակցությունների հերթական փուլը․ ինչ է հայտնի
Thu, 12 Mar 2026 13:00:27 +0400
ՌԴ նախագահի խորհրդական Կիրիլ Դմիտրիևը և ԱՄՆ նախագահի դեսպանորդ Սթիվ Ուիտկոֆը հաստատել են, որ Վլադիմիր Պուտինի և ԱՄՆ նախագահ Դոնալդ Թրամփի միջև զրույցից հետո նրանք բանակցություններ են վարել։
Ուիտկոֆի խոսքով՝ հանդիպումը տեղի է ունեցել Մայամիում։
ԱՄՆ կողմից մասնակցել են նաև Թրամփի փեսան՝ Ջարեդ Քուշները և Սպիտակ տան խորհրդական Ջոշ Գրյունբաումը։ Կողմերը քննարկել են մի շարք հարցեր և պայմանավորվել են շարունակել շփումները։
Դմիտրիևը նշել է, որ ԱՄՆ է ժամանել Ռուսաստանի նախագահի հանձնարարությամբ և մասնակցել է տնտեսական համագործակցության աշխատանքային խմբի նիստին, որտեղ քննարկվել են ռուս-ամերիկյան հարաբերությունների վերականգնման նախագծերը և համաշխարհային էներգետիկ շուկաներում տիրող իրավիճակը։
«Այսօր շատ երկրներ, առաջին հերթին՝ ԱՄՆ-ն, սկսում են ավելի լավ հասկանալ ռուսական նավթի և գազի հիմնական, համակարգային կարևոր դերը համաշխարհային տնտեսական կայունության ապահովման գործում, ինչպես նաև Ռուսաստանի դեմ պատժամիջոցների անարդյունավետությունն ու կործանարար բնույթը», – հայտարարել է Դմիտրիևը։