Իրավիճակը շուտով փոխվելու է
Fri, 13 Mar 2026 12:27:05 +0400
Երևանում շարունակվում են բողոքի ակցիաները՝ ի աջակցություն «Ուժեղ Հայաստան» կուսակցության առաջնորդ Սամվել Կարապետյանի։ Կառավարության շենքի մոտ անցկացված ակցիայի ընթացքում կուսակցության անդամ Արեգա Հովսեփյանը հարց բարձրացրեց, թե ինչու Սամվել Կարապետյանին հնարավորություն չի տրվում իրականացնել ծրագրեր, որոնք, ըստ նրա, կարող էին ստեղծել հարյուր հազարավոր աշխատատեղեր և երիտասարդների համար ապահովել մատչելի բնակարաններ։ Հովսեփյանը հայտարարեց, որ իշխանությունները չեն աջակցում Հայաստանի զարգացմանն ուղղված նախաձեռնություններին և փորձում են սահմանափակել ազատ խոսքը։
Նրա խոսքով՝ իշխանությունները վախի մթնոլորտ են ձևավորում՝ փորձելով մարդկանց համոզել, թե որևէ փոփոխություն հնարավոր չէ իրականացնել։ Սակայն նա վստահեցրեց, որ, իրենց համոզմամբ, իրավիճակը շուտով փոխվելու է, և Հայաստանը պետք է դառնա ուժեղ և զարգացող երկիր։