Ռմբահարված դպրոցի ավերակները կդարձվեն հուշակոթող

Sat, 14 Mar 2026 18:30:20 +0400

Իրանում ամերիկա-իսրայելական հարվածի թիրախ դարձած Մինաբեի դպրոցը, որտեղ 160 աղջիկ երեխա էր զոհվել, կվերածվի հուշակոթողի։ Այս մասին հայտնում է IRNA լրատվական գործակալությունը՝ վկայակոչելով Իրանի Մշակութային ժառանգության եւ տուրիզմի փոխնախարար Ալի Դարաբին։ Նպատակը՝ հարվածի հետեւանքով զոհված դպրոցական աղջիկների հիշատակի հավերժացումն է։ Այն նաեւ ներառվելու է մշակութային ժառանգության ցանկում, որպեսզի նաեւ սերունդները իմանան ճշմարտությունը եւ պահպանեն հիշողությունը։