Ձյունառատ ձմեռը տևական ժամանակ լքել է Հայաստանը, սակայն իբրև թե սառույցից ազատվելու նպատակով աղը, որը ձմռան ամիսներին հանրապետությունով մեկ շաղ էին տվել, ոչնչացրել է ասֆալտը: Մինչ բոլորիս ուշադրությունը մայրաքաղաք Երևանի վրա է ֆիքսված, մարզերում անհամեմատ ավելի վատ իրավիճակ է, և եթե, օրինակ, Երևանում ինչ-որ աշխատանքներ են տարվում՝ գոնե ձևական, ապա Աբովյան քաղաքում հունվարից մինչ օրս որևէ աստֆալտապատման աշխատանք չի կատարվել, ավտոճանապարհները քարուքանդ վիճակում են, մեքենաները ջարդուփշուր են լինում Աբովյանում երթևեկելով: Մեզ դիմել է մի քաղաքացի և լուսանկարներ տրամադրել անտերության մատնված Աբովյանից: