Իրանը ասում է՝ Ռուսաստանն իմ կողքին է
Mon, 16 Mar 2026 00:15:00 +0400
Ռուսաստանը և Չինաստանը Իրանին տրամադրում են տարբեր տեսակի օգնություն, այդ թվում՝ ռազմական համագործակցություն։
Politico-ի փոխանցմամբ՝ այս մասին հայտարարել է Իրանի արտաքին գործերի նախարար Աբբաս Արաղչին։
Արաղչիի խոսքով՝ Ռուսաստանը և Չինաստանը Թեհրանի ռազմավարական գործընկերներն են ԱՄՆ-ի և Իսրայելի հետ առճակատման մեջ։
Նախարարը նշել է. «Մենք անցյալում սերտ համագործակցություն ենք ունեցել, որը շարունակվում է նաև այսօր, այդ թվում՝ ռազմական համագործակցություն»։ Նա նաև հավելել է, որ Իրանը լավ հարաբերություններ է պահպանում երկու երկրների հետ՝ քաղաքական, տնտեսական և ռազմական մակարդակներում։
Արաղչին նաև մեկնաբանել է Հորմուզի նեղուցում տիրող իրավիճակը, որի միջով անցնում է աշխարհի նավթի և գազի մատակարարումների մոտավորապես մեկ հինգերորդը։ Նա ընդգծել է, որ նեղուցը փակ է միայն ԱՄՆ-ի, Իսրայելի և նրանց դաշնակիցների նավերի և տանկերների համար, մինչդեռ անցումը բաց է մնում մնացած բոլոր նավերի համար։