Ինչպես են մեքենաները վնասվում սրանց անգործության հետևանքով
Mon, 16 Mar 2026 12:55:33 +0400
Երևանի ավագանու «Մայր Հայաստան» խմբակցության անդամ Արշակ Սարգսյանը սոցիալական ցանցում տեսանյութ է հրապարակել՝ անդրադառնալով Բաբաջանյան-Իսակով ճանապարհահատվածում ստեղծված իրավիճակին։
Ավագանու անդամը քննադատել է իշխանություններին՝ նշելով, որ ճանապարհի խնդիրների պատճառով վնասվել են մի շարք մեքենաներ։ Նրա պնդմամբ՝ տեղում ստեղծված իրավիճակը վարորդների համար վտանգավոր է։
Սարգսյանը նաև գրել է, որ իշխանությունները, փոխանակ զբաղվեն Երևանի խնդիրներով, ներկայումս փորձում են մարզերում քաղաքական գործունեություն ծավալել։ Նրա խոսքով՝ ճանապարհի վատ վիճակի և անգործության հետևանքով վնասվել է ավելի քան տասը ավտոմեքենա։
«10-ից ավելի մեքենաներ են վնասվել սրանց անգործության հետևանքով»,- նշել է նա: