Մեր թիրախը մեկն է
Mon, 16 Mar 2026 20:19:32 +0400
Գրել էինք, որ ԱԺ «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանը հայտարարել է, որ Հայաստանի երկրորդ նախագահ Ռոբերտ Քոչարյանը և Դաշնակցություն կուսակցությունը առաջիկա ընտրություններին մասնակցելու են միասին՝ «Հայաստան» դաշինքի շրջանակում։
Իր ելույթի ընթացքում Սաղաթելյանը անդրադարձել է նաև ընդդիմադիր դաշտում հարաբերություններին՝ նշելով, որ իրենց քաղաքական պայքարի հիմնական ուղղվածությունը գործող իշխանության դեմ է։ Նրա խոսքով՝ ընդդիմադիր ուժերը միմյանց նկատմամբ թիրախներ պիտի չունենան։
Սաղաթելյանը դիմել է նաև մյուս ընդդիմադիր ուժերին՝ ընդգծելով, որ ընդդիմադիր դաշտում պետք է դիտարկել միմյանց ոչ թե որպես հակառակորդ, այլ որպես ներկա և ապագա պայքարի գործընկերներ։
Պատգամավորի խոսքով՝ իրենց միակ քաղաքական թիրախը գործող իշխանությունն է, և իրենք առաջնորդվելու են հենց այդ սկզբունքով։ Նա նաև հավելել է, որ նույն մոտեցումն ու ակնկալիքն ունեն ընդդիմադիր դաշտի մյուս քաղաքական ուժերից՝ ընդգծելով միասնական պայքարի կարևորությունը։