Օդային տարածքը դեռ փակ կմնա
Mon, 16 Mar 2026 20:30:05 +0400
Բահրեյնն ու Քուվեյթը դեռ կշարունակեն փակ պահել իրենց օդային տարածքները։ Դրանք փակվել էին փետրվարի 28-ից, երբ Իրանի դեմ սկսվեց ամերիկա-իսրայելական տանդեմի ռազմական արշավանքը։ Այս մասին տեղեկանում ենք Մերձավոր Արեւելքի ավիադիսպետչերական ծառայությունների տարածած հայտարարություններից։ Արաբական այս երկու երկրները իրենց օդային տարածքների փակ լինելը երկարաձգել են եւս 12 ժամով։ Բահրեյնի դեպքում առանձին թռիչքներ թույլատրվել են։ Դրանք իրականացվելու են Մանամայի հատուկ նշանակության օդանավակայանից։ Թռիչքները լինելու են մեկ ուղղությամբ՝ դեպի Սաուդյան Արաբիա։