Օգտակար նախաճաշի առաջարկներ
Mon, 16 Mar 2026 22:00:16 +0400
Ռուս էնդոկրինոլոգ Մարգարիտա Բելոուսովան առաջարկել է օգտակար նախաճաշի մի շարք տարբերակներ։ Ռուսական lenta-ի հետ զրույցում նա ասել է, որ օգտակար նախաճաշի տարբերակ կարող է լինել թարմ բանջարեղենով սալաթը, օմլեթն ու ամբողջահատիկ հացի տոստերը՝ մրգային ջեմով։ Մյուս տարբերակը՝ հավի կրծքամսով սենդվիչներն են՝ սալաթի թերթով, սերուցքային պանրով։ Երրորդ տարբերակը մրգա-հատապտղային բոուլն է՝ հունական յոգուրտի հետ համադրված։ Լավ տարբերակ է նաեւ կաթնաշոռը, հատապտուղներն ու ընկուզեղենը՝ համադրված ֆետա պանրով եւ եփված դդմով սալաթի հետ։
Նախաճաշն ավելի սննդարար ու կշտացնող դարձնելու համար նա խորհուրդ է տալիս ավելացնել մեկ կտոր ավոկադո կամ մի քանի հատ ընկուզեղեն։ Բելոուսովան հատուկ ուշադրություն է դարձրել ավանդական նախաճաշի հիմնական կերակրատեսակին՝ շիլաներին։ Երկրորդ տիպի շաքարային դիաբետ ունեցողների համար ցանկալի է օրինակ հնդկաձավարով շիլան առավոտյան՝ որպես նախաճաշ։ Գլյուտենի հանդեպ խնդիր ունեցողներն էլ պետք է խուսափեն բլղուրից ու ձավարից։ Անվտանգ այլընտրանք են համարվում՝ բրինձը, եգիպտացորենը, հնդկաձավարը։