Ռուզաննա Խաչատրյանը դատի է տվել Հ1-ին ու ՔԿ-ին
Tue, 17 Mar 2026 13:06:37 +0400
Ազգային ժողովի «Հայաստան» խմբակցության պատգամավոր, պաշտպանության նախկին նախարար Սեյրան Օհանյանի կինը՝ Ռուզաննա Խաչատրյանը, դատական հայց է ներկայացրել ընդդեմ Հանրային հեռուստաընկերության։ Այս մասին «Հրապարակ»-ը տեղեկանում է «Դատալեքս» դատական տեղեկատվական համակարգից։ Խաչատրյանի հայցը վերաբերում է հրապարակայնորեն արտահայտված զրպարտությունից պատիվը և արժանապատվությունը պաշտպանելուն։
Գործը դատարան է ստացվել մարտի 16-ին և մակագրվել է Երևանի առաջին ատյանի ընդհանուր իրավասության քաղաքացիական դատարանի դատավոր Նաիրա Ավետիսյանին։
Բացի այդ, Ռուզաննա Խաչատրյանը դատական հայց է ներայացրել նաև ընդդեմ Քննչական կոմիտեի՝ պահանջելով անմեղության կանխավարկածի խախտումը ճանաչել և ոչ նյութական վնասը փոխհատուցել։ Գործը մակագրվել է դատավոր Արամ Մկրտչյանին։Երկու հայցերն էլ դեռ վարույթ չեն ընդունվել։
Նշենք, որ Ռուզաննա Խաչատրյանը երեկ մեզ հետ զրույցում հայտնել էր «Հանրայինին» դատի տալու մասին։