Հարյուրավոր զոհեր և վիրավորներ․ ևս մեկ սարսափելի պատերազմ
Tue, 17 Mar 2026 13:00:15 +0400
Աֆղանստանի իշխանությունները հայտարարել են, որ Քաբուլում թմրամոլության բուժմամբ մասնագիտացված հիվանդանոցի վրա Պակիստանի կողմից իրականացված հարվածի հետևանքով զոհվել է 400 մարդ: Այս մասին հայտնել է Աֆղանստանի կառավարության խոսնակ Համդուլլահ Ֆիտրատը՝ ըստ Tolo News-ի։ Նրա խոսքով՝ վիրավորների թիվը հասել է 250-ի:
Միաժամանակ, Պակիստանը հերքում է որևէ բժշկական հաստատության հարվածելու մասին լուրերը՝ պնդելով, որ Քաբուլում և Նանգարհարի արևելյան նահանգում «նպատակային թիրախ են հանդիսացել ռազմական օբյեկտները և ահաբեկչության աջակցության ենթակառուցվածքները»։
Պակիստանի տեղեկատվության նախարարությունը հայտարարել է, որ հարվածները «ճշգրիտ և ուշադիր պլանավորված են եղել՝ կողմնակի վնասը կանխելու համար»։ Պակիստանը Աֆղանստանի կառավարության հայտարարությունը անվանել է «փաստերի աղավաղում, որը նպատակ ունի սրել իրավիճակը՝ սահմանային ահաբեկչությանը անօրինական աջակցությունը թաքցնելու համար»։
Երկու երկրների միջև հակամարտությունը վերսկսվել է փետրվարին, երբ Պակիստանը մեղադրել է Աֆղանստանին «Թեհրիք-ի-Թալիբան Պակիստան» խմբավորման զինյալներին ապաստան տալու մեջ: Պաշտոնական Քաբուլը հերքում է դա։
Բախումները շարունակվում են մի քանի ամիս, չնայած հոկտեմբերին երկու կողմերն էլ համաձայնության են եկել հրադադարի շուրջ։