Թուրքը դիմել է Նիկոլ Փաշինյանին
Thu, 19 Mar 2026 16:15:24 +0400
Նիկոլ Փաշինյանի թրքասիրությունն ու ադրբեջանասիրությունը, նրա աղերսագին խաղաղության կոչերը անհետևանք չեն մնում՝ նա արդեն մեծ ժողովրդականություն է վայելում մեր հարեւան երկրներում: Մինչ Հայաստանի վարչապետն արգելում է խոսել Արցախի պատմության մասին, այն համարելով պատերազմի կոչ, ֆեյսբուքյան իր էջում մի ազգությամբ թուրք օգտատեր մեկնաբանություն է գրել. «Որպես թուրք՝ ուզում ենք կնոջս հետ այցելել ձեր երկիր։ Մենք մինչ այժմ եղել ենք 9-10 երկրներում։ Մենք ցանկանում ենք այցելել նաև մեր հարևան Հայաստան։ Հիմա եղբայրության և խաղաղության ժամանակն է։
Պատերազմն ու թշնամանքը ոչինչ չեն շահում։ Մենք բոլորս մի օր կմեռնենք։ Մենք պետք է ծիծաղենք և զվարճանանք, քանի դեռ ողջ ենք։ Նախապես ցանկանում եմ շնորհակալություն հայտնել և իմ ողջույնները փոխանցել համայն հայությանը։
Հարգանքներով՝ բոլորիդ։
Ցտեսություն»:
Նիկոլ Փաշինյանը դեռևս չի արձագանքել թուրքի գրառմանը, սակայն ակնհայտ է, որ նա կընդառաջի և Թուրքիայի քաղաքացուն կհրավիրի այցելել Հայաստան: Մենք՝ ՀՀ քաղաքացիներս էլ դեմ չենք․ թող այցելեն, բայց մեր երկրի նկատմամբ հավակնություններ չունենան, մեր երկրի ներքին կյանքին չմիջամտեն եւ դադարեցնեն բոլոր ոտնձգությունները մեր սահմանների եւ մեր ինքնիշխանության նկատմամբ։