Դե ուրեմն ինձ քվեարկեք, որ ճանապարհը սարքվի. Փաշինյանը՝ խաչաղբյուրցիներին
Sat, 21 Mar 2026 12:55:40 +0400
Խաչաղբյուրի մի խումբ համագյուղացիներ Նիկոլ Փաշինյանի ուրախ ավտոբուսի դեմը կտրել եւ նրանից հարցրել են, թե ինչու է խաբում ու ամեն տարի իրենց գյուղ մտնող ճանապարհը չի սարքում: Փաշինյանը խոստացավ, որ 2027-ին կսարքվի, ասաց, որ հարցն իր անմիջական հովանու ներքո է լինելու, գյուղացիներից մեկը նետեց.«Բա որ դու չընտրվար, ով ա սարքելու»։ «Դե ուրեմն ինձ քվեարկեք»,- ասաց Փաշինյանն՝ ըստ էության բյուջեի հաշվին ընտրակաշառքի խոստում տալով, որ կընտրեք, կսարքեմ, ապա հավելեց, թե եթե ես չեմ ընտրվելու, բա ինչի եք ինձ կանգնեցրել, ով ընտրվելու է՝ իրեն կանգնեցրեք։