Ես կոչ արեցի Իրանին․․․ի՞նչ են քննարկել Մակրոնն ու Փեզեշքիանը
Wed, 25 Mar 2026 12:30:22 +0400
Ֆրանսիայի նախագահ Էմանուել Մակրոնը հայտնել է իր իրանցի գործընկեր Մասուդ Փեզեշքիանի հետ հեռախոսազրույցի մասին։
Մակրոնի խոսքով՝ նա ընդգծել է «տարածաշրջանի երկրների վրա անընդունելի հարձակումները դադարեցնելու, էներգետիկ և քաղաքացիական ենթակառուցվածքները պաշտպանելու, ինչպես նաև Հորմուզի նեղուցում նավարկության ազատությունը վերականգնելու բացարձակ անհրաժեշտությունը»։
«Ես կոչ արեցի Իրանին բարի կամքով մասնակցել բանակցություններին՝ լարվածության թուլացման ճանապարհ հարթելու և այնպիսի շրջանակ ստեղծելու համար, որը կարող է բավարարել միջազգային հանրության սպասումները Իրանի միջուկային և հրթիռային ծրագրերի, ինչպես նաև տարածաշրջանում նրա անկայունացնող գործունեության վերաբերյալ։
Վերջապես, ես նաև կոչ արեցի Իրանին անհապաղ նպաստել մեր հայրենակիցներ Սեսիլ Կոլերի և Ժակ Պարիի Ֆրանսիա վերադարձին», – գրել է Ֆրանսիայի նախագահը սոցիալական ցանցերում։