Իրանը դիմել է Ռուսաստանին և Չինաստանին․ ի՞նչ է պահանջում
Wed, 25 Mar 2026 13:00:01 +0400
Իրանը ակնկալում է, որ ՄԱԿ-ի Անվտանգության խորհրդի անդամները «կոշտ դիրքորոշում» կընդունեն՝ դատապարտելով ԱՄՆ-ի և Իսրայելի գործողությունները Թեհրանի դեմ։
Իրանի արտաքին գործերի նախարար Աբբաս Արաղչին այս մասին հայտարարել է իր չինացի գործընկեր Վան Իի հետ զրույցի ժամանակ, հաղորդում է Իսլամական Հանրապետության արտաքին գործերի նախարարությունը իր Telegram ալիքում։
«Իրանը ակնկալում է, որ ՄԱԿ-ի Անվտանգության խորհրդի անդամները, մասնավորապես՝ Ռուսաստանը և Չինաստանը, կկանխեն ԱՄՆ-ի կողմից Խորհրդում իրենց դիրքի հետագա չարաշահումը և կընդունեն կոշտ դիրքորոշում՝ դատապարտելով ԱՄՆ-ի և Իսրայելի ագրեսիան մեր երկրի դեմ», – ընդգծել է նախարարը։