Ակնհայտ է, որ Փաշինյանը պարտվում է մենամարտում ՀՀ քաղաքացիների հետ
Wed, 25 Mar 2026 15:48:26 +0400
ՀՀԿ փոխնախագահ Արմեն Աշոտյանը Կոմիտասի անվան պանթեոնում լրագրողներին հայտնել է, որ Նիկոլ Փաշինյանը դառնում է անհամարձակ իր մենամարտում հանրության հետ։
«Այն բոլոր տեսարանները, որոնք մենք տեսնում ենք «ախմախ» ավտոբուսի շրջանառության ժամանակ, վկայում են մեկ բանի մասին, որ այն, ինչը սարքած չէ, վատ է Նիկոլի համար, իսկ սարքած չէ շատ բան, և չեն կարողանում ամեն ինչ սարքել։ Մենամարտը ՀՀ քաղաքացու հետ Նիկոլը պարտվում է։ Սա չի նշանակում, որ նա ընտրություններում անպայման պարտվել է, ու մեր առաջարկն ուժի մեջ է, որ առանց փողոցային պայքարի՝ իմպիչմենտի առթիվ նախաձեռնված փողոցային ճնշման, նախընտրական, ընտրական ու հետընտրական փուլերում ընդդիմության համընդհանուր հաղթանակի հարցում որևէ փորձ կհամարեմ հանցավորություն»,- ասել է Աշոտյանը։