ԱՄՆ-ն բանակցում է ինքն իր հետ․ Իրանի կոշտ արձագանքը

Wed, 25 Mar 2026 16:30:55 +0400

Իրանի ԶՈՒ խոսնակը հայտարարել է, որ Միացյալ Նահանգները, ըստ էության բանակցություններ է վարում ինքն իր հետ։

Հայտարարությունը հնչել է ԱՄՆ նախագահ Դոնալդ Թրամփի՝ Թեհրանի կողմից Մերձավոր Արևելքում հակամարտությունը դադարեցնելու վերաբերյալ համաձայնության հասնելու մասին հայտարարությունից մեկ օր անց։

Ավելի վաղ գրել ենք, որ ըստ իրավիճակին ծանոթ աղբյուրի խոսքով՝ Վաշինգտոնը պատրաստել և Իրանին է ուղարկել 15 կետից բաղկացած ծրագիր, որն ուղղված է կարգավորմանը։

Իրանի զինված ուժերի համատեղ հրամանատարության խոսնակ Իբրահիմ Զոլֆակարին նշել է, որ նման հռետորաբանությունը ցույց է տալիս ԱՄՆ մոտեցման ներքին հակասությունը։ Նա ընդգծել է, որ երկու կողմերն էլ հակադիր դիրքորոշումներ ունեն, և որ «հաշտեցումը» անհնար է ներկայիս պայմաններում։

Զոլֆակարին նաև հայտարարել է, որ պատերազմից առաջ էներգակիրների գներին և ԱՄՆ ներդրումների նախկին մակարդակներին վերադարձը անհնար է առանց տարածաշրջանային կայունության ապահովման գործում իրանական բանակի դերի ճանաչման։