Լրագրողները գործադուլ են անում
Fri, 27 Mar 2026 14:30:56 +0400
Իտալիայում օրը սկսվել է մամուլի գործառուլով։ Լրագրողներն ու մեդիաոլորտի աշխատողները դուրս են եկել համապետական գործադուլի։ Կյանքը Իտալիայում մեդիատիրույթում կարծես թե կանգ է առել երեկվա օրվա վրա։ Չկա ոչ մի լրատվական հաղորդում եւ թարմացում։ Լրագրողները պահանջում են իրենց արժանապատվության երաշխիքներ։ Դժգոհում են, որ իրենց համապետական պայմանագրերը չեն թարմացվել արդեն 10 տարի։ Աշխատավարձերի բարձրացում չի եղել երկար ժամանակ, իսկ ներկայիս թանկացումների ֆոնին՝ լրագրողների եւ մեդիա աշխատողների աշխատավարձների 20 տոկոսը պարզապես փոշիանում է սղաճի պատճառով։
Տնտեսական բնույթի խնդիրը, ըստ իտալացի լրագրողների, անդրադառնում է թե իրենց անկախության, թե հեղինակության վրա։ Դեմ են արտահայտվում նաեւ ֆինանսավորման կրճատման մասին որոշմանը։ Առաջին լրատվական թողարկումները Իտալիայում կվերսկսվեն գործադուլի ավարտից հետո՝ Երեւանի ժամանակով՝ 21;00-ին։ Չորրորդ իշխանությանը մասնակի գործադուլով միացել են նաեւ կրթական հաստատությունների աշխատողները։ Մանկավարժների շահերը ներկայացնող արհմիությունները եւս դժգոհություններ են ներկայացրել աշխատավարձների ցածր լինելու հետ կապված, ինչպես նաեւ խոսել կրթական հաստատություններում ղեկավարների ընտրության գործող կարգի բացերից։