Հորմուզի նեղուցով նավերի հոսքը նվազել է 10 անգամ․ պաշտոնյա
Fri, 27 Mar 2026 18:00:30 +0400
Հորմուզի նեղուցով նավագնացության անվտանգությունն ապահովելու համար հատուկ ռազմական խմբերի ստեղծումը երկարատեւ լուծում չի հանդիսանում խնդրի համար եւ չի երաշխավորում ամբողջական անվտանգություն ծովային փոխադրումների համար։ Այս մասին հայտարարել է Միջազգային ծովային գործակալության Գլխավոր քարտուղար Արսենիո Դոմինգեսը։
Համաձայն La Repubblica իտալական պարբերականի, բարձրաստիճան ներկայացուցիչը նշել է, որ ռազմական ուղեկցող խմբերը, այսպես թե այնպես, ամբողջովին չեն կարող բոլոր սպառնալիքները վերացնել։ Միակ ճանապարհը՝ հակամարտության դե-էսկալացիան է Մերձավոր Արեւելքում եւ կարգավորումը։ Միայն այդ դեպքում ազատ եւ անվտանգ, ապահով նավագնացությունը կվերականգնվի։ Ներկայումս նեղուցով նավերի անցումը նվազել է ավելի քան տասն անգամ՝ օրական 130 նավից հասնելով՝ մի քանի նավի։