ԱՄՆ Կոնգրեսն արգելում է քաղաքական խաղադրույքներ կատարելը
Fri, 27 Mar 2026 19:00:41 +0400
Ամերիկյան կոնգրեսականները ցանկանում են արգելել խաղադրույքները հասարակական-քաղաքական նշանակության իրադարձությունների հետ կապված, ներառյալ ընտրությունները, կառավարության որոշումները, պատերազմական գործողությունները եւ սպորտային իրադարձությունները։ Կարգելվեն այն խաղադրույքները, որոնք կարվեն այն տրամաբանությամբ, թե նման իրադարձությունները ինչ ելք կունենան։ Այս մասին հայտնում է Axios պարբերականը։
Արգելքը կարող է տարածվել նաեւ այսպես կոչված՝ կանխագուշակներում շուկայի վրա, որտեղ օգտատերերը օնլայն հարթակներում կարող են խաղադրույք կատարել առ այն, թե այս կամ այն հասարակական-քաղաքական կարեւորության իրադարձությունը ինչ ելք կունենա։ Բանն այն է, որ օնլայն հարթակներից մեկում օգտատերերից մեկը կարողացել էր ճշգրիտ կերպով կանխորոշել «Վենեսուելական օպերացիայի» արդյունքը եւ կա մտավախություն, որ որոշակի պաշտոնական շրջանակներից կարող է ինսայդերական տեղեկությունների վաճառք լինել։