Սիրիան փակել է իր օդային տարածքը

Sun, 29 Mar 2026 18:45:08 +0400

Սիրիայի իշխանությունները փակել են երկրի օդային տարածքը՝ բացառությամբ այն չվերթների, որոնք նախապես կարտոնվեն իշխանությունների կողմից։ Այս մասին հայտնում են սիրիական ավիացիոն իշխանությունները։ Օդային տարածքը փակ կլինի մինչեւ համաշխարհային ժամանակով՝ երկուշաբթի օրը, երեկոյան 21:00-ը։ Ավելի վաղ, սակայն հայտարարվել էր, որ Դամասկոսը թույլատրել է քաղաքացիական չվերթները Հալեպի օդանավակայանից՝ նախապես հաստատված երեք օդային միջանցքներով։ Հիշեցնենք, որ ինչպես Մերձավոր Արեւելքի շատ երկրներում, Սիրիան եւս փակել էր իր երկինքը փետրվարի 28-ին՝ Իրանական հակամարտության սկսվելուն պես։