Թրամփը պնդում է՝ Իրանը գրեթե ընդունել է իր խաղաղության ծրագիրը
Mon, 30 Mar 2026 13:00:38 +0400
Իրանը համաձայնել է հակամարտության կարգավորման ամերիկյան ծրագրի մեծ մասին, սակայն Միացյալ Նահանգները մտադիր է Թեհրանին լրացուցիչ պահանջներ առաջադրել։
ՌԻԱ Նովոստի-ի փոխանցմամբ՝ այս մասին ամերիկացի առաջնորդն ասել է լրագրողների հետ հանդիպման ժամանակ։
«Մենք առաջարկել ենք 15 կետ, և դրանք մեծ մասամբ ընդունվել են, բայց մենք պնդելու ենք ևս մի քանի լրացուցիչ բան», – ասել է Սպիտակ տան ղեկավարը։
Նշենք, որ Թեհրանը պաշտոնապես չի հաստատել ԱՄՆ-ի հետ բանակցելու՝ Թրամփի հայտարարությունները։
Նախօրեին էլ Իրանի շուրջ ստեղծված իրավիճակի շուրջ բանակցություններ են տեղի ունեցել Իսլամաբադում, որին մասնակցել են Պակիստանի, Թուրքիայի, Եգիպտոսի և Սաուդյան Արաբիայի ԱԳ նախարարները։
Հանդիպմանը Իսրայելի և ԱՄՆ-ի ներկայացուցիչներ չեն եղել։