Ձերբակալված տղաների համար գիշերը շտապ օգնություն են կանչել

Ձերբակալված տղաների համար գիշերը շտապ օգնություն են կանչել

Mon, 30 Mar 2026 13:49:06 +0400


Երեկ՝ մարտի 29–ին, Երեւանի Սուրբ Աննա եկեղեցում միջադեպ էր տեղի ունեցել, Փաշինյանի թիկնապահները քաշքշել էին մի երիտասարդի, որն ասել էր. «Ըտենց ինձ չնայես»։ Պատարագից հետո քաղաքացիական հագուստով ոստիկանները 3 անձ էին ձերբակալել։

Միջադեպի առթիվ նախաձեռնվել է քրեական վարույթ՝ Քրեական օրենսգրքի 297-րդ հոդվածի 1-ին մասով (խուլիգանությունը) և 452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելը): Ըստ էության, իրավապահները խոստովանել են, որ Նիկոլ Փաշինյանը Սուրբ Աննա եկեղեցի էր եկել քաղաքական գործունեությամբ զբաղվելու, այլ ոչ թե որպես շարքային քրիստոնյա՝ պատարագի մասնակցելու։ Այս պահին 3 անձ ձերբակալվել է:

Ձերբակալվածներից երկուսը երկվորյակ եղբայրներ են, դպրոցականներ՝ թիվ 29 դպրոցի 12-րդ դասարանի աշակերտներ, գերազանց սովորող, առողջական խնդիրներ ունեցող։

Եղբայրների փաստաբան Լուսինե Մարտիրոսյանը «Հրապարակ»-ի հետ զրույցում ասաց՝ նրանք ձերբակալվածի կարգավիճակ ունեն դեռեւս, մեղադրանք ներկայացված չէ։ Եղբայրներն առողջական խնդիրներ ունեն, առավել լուրջ առողջական խնդիր ունի Դավիթը․ «Դավիթին այժմ դատաբժշկական փորձաքննության են ենթարկում՝ տեսել եք երեւի Փաշինյանի թիկնապահի կողմից նրան հարվածելու դրվագը։ Իմ գնահատմամբ՝ առկա հիվանդություններով նրանք չեն կարող անազատության մեջ մնալ, անհապաղ պետք է ազատ արձակվեն»։ Տղաներից մեկը վերջերս բավականին ծանր վիրահատություն է տարել։ Անցած գիշեր շտապ օգնություն են կանչել տղաների համար, սակայն հիվանդանոց չեն տեղափոխել, նրանք ալերգիկ են, ուստի դեղ չեն ընդունել։

Լուսինե Մարտիրոսյանի փոխանցմամբ՝ եղբայրները Փաշինյանին չեն հարվածել, անգամ փորձ չեն արել հարվածելու, տեսել են ձեռք՝ վերագրել են հարվածի․ «Տղաները որեւէ քաղաքական առնչություն որեւէ ուժի հետ չունեն, իրենք ամեն կիրակի մասնակցում են պատարագի»։

© 2026 Secure News Portal

Source: Hraparak

Hraparak.am

Recent Posts

Լարված իրավիճակ` Ռոբերտ Քոչարյանի գործով նիստի ժամանակ

Լարված իրավիճակ` Ռոբերտ Քոչարյանի գործով նիստի ժամանակ Fri, 20 Nov 2026 10:49:28 +0400 Latest news…

12 րոպե ago

«Հրապարակ». Այս մարդուն ո՞նց կարելի է հավատալ, երբ անգամ նրա սպառնալիքներն են սուտ

«Հրապարակ». Այս մարդուն ո՞նց կարելի է հավատալ, երբ անգամ նրա սպառնալիքներն են սուտ Fri, 20…

16 րոպե ago

Պուտինը Ռահմոնի մոտ է

Պուտինը Ռահմոնի մոտ է Fri, 20 Nov 2026 10:30:01 +0400 Ռուսաստանի նախագահ Վլադիմիր Պուտինը նոյեմբերի…

32 րոպե ago

«Հրապարակ»․ Սրանք իրենց բնույթով վամպիրներ են` չարքապատկաններ

«Հրապարակ»․ Սրանք իրենց բնույթով վամպիրներ են` չարքապատկաններ Fri, 20 Nov 2026 10:15:18 +0400 Նիկոլ Փաշինյանի…

46 րոպե ago

Վանը զարգացնում է տուրիզմը Հայաստանի հետ

Վանը զարգացնում է տուրիզմը Հայաստանի հետ Fri, 20 Nov 2026 10:00:05 +0400 Թուրքիայի Վան քաղաքում…

1 ժամ ago

«Հրապարակ»․ Ասում է` բոլոր նրանք, ովքեր չեն զոհվել, ինձ հարցեր տալու իրավունք չունեն

«Հրապարակ»․ Ասում է` բոլոր նրանք, ովքեր չեն զոհվել, ինձ հարցեր տալու իրավունք չունեն Fri, 20…

1 ժամ ago