«Մարդիկ արժանապտիվ հեռանում են, իսկ երկրի գլխին էսքան արհավիրք բերածները մնում են ու մնում»
Wed, 01 Apr 2026 14:15:43 +0400
Աշխարհի առաջնության որակավորման փլեյ-օֆֆի եզրափակիչում Իտալիայի հավաքականը, ինչպես հայտնի է, երեկ ուշ երեկոյան 11-մետրանոցներով 1:4 հաշվով պարտվել էր Բոսնիա եւ Հերցեգովինային։ Հիմնական ժամանակն ավարտվել էր 1:1 հաշվով։ Լրացուցիչ ժամանակում գոլ չէր գրանցվել։Այսպիսով, Իտալիայի ընտրանին հերթական անգամ բաց կթողնի Աշխարհի առաջնությունը, ինչն իսկական խայտառակություն է Իտալիայի պես ֆուտբոլային երկրի համար:
Իտալիայի ազգային թիմի գլխավոր մարզիչ Ջենարո Գատուզոն դեռ ամիսներ առաջ նշել էր, որ եթե իրեն չհաջողվի այնպես անել, որ Իտալիան Աշխարհի առաջնության ուղեգիր նվաճի, ինքը կլքի Իտալիան, կապրի հարազատ երկրից շատ հեռու:
«Մարդիկ արժանապատիվ հեռանում են, իսկ երկրի գլխին էսքան արհավիրք բերածները մնում են ու մնում»,- նշել է հայ օգտատերերից մեկը Իտալիայի ազգային թիմի գլխավոր մարզիչ Ջենարո Գատուզոյի խոսքերի վերաբերյալ հրապարակումներից մեկի մեկնաբանություններում՝ մեծ հավանականությամբ նկատի ունենալով ՀՀ գործող իշխանություններին: