Նոր զարգացում` Խարբերդի մանկատան ծեծի սոսկալի դեպքով
Thu, 22 Oct 2026 18:02:50 +0400
Նախորդ ամիս գրել էինք, որ օգոստոսի կեսերին Նոր Խարբերդի մասնագիտացված մանկատանը սկանդալային դեպք է տեղի ունեցել։
մանկատան դայակներից մեկը` Վարդ Աղախանյանը, դաժան ծեծի է ենթարկել հաշմանդամություն ունեցող երեխային: Երեխան, որին ծեծել է դայակ աշխատող կինը, քայլելու եւ խոսելու ունակ չէ: Տիկինը հարվածել է երեխային, երբ վերջինս ընկել է հատակին սկսել է հատակի փայտով հարվածել նրա մարմնի տարբեր հատվածներին, այդ թվում՝ ողնաշարին։ Չքայլող եւ չխոսող տղա երեխային անվանել է անպիտան։ Դայակի նկատմամբ խափանման միջոց էր ընտրվել տնային կալանքը։
Տեղեկացանք, որ հոկտեմբերի 6-ին Մասիսի դատարանը` դատավոր Վիրաբ Վարդանյանի նախագահությամբ քննության առնելով Վարդ Աղախանյանի խափանման միջոցի հարցը` որոշել է տնային կալանքը երկարաձգել 3 ամիս ժամկետով, միաժամանակ ընտրված 5 միլիոն դրամ գրավ ու բացակայելու արգելք խափանման միջոցները թողնել անփոփոխ։