Զելենսկին հենց այսօր պետք է որոշում կայացնի․ Կրեմլի վերջնագիրը

Wed, 01 Apr 2026 17:00:33 +0400

Կրեմլի մամուլի քարտուղար Դմիտրի Պեսկովը հայտարարել է, որ Ուկրաինայի նախագահ Վլադիմիր Զելենսկին պետք է «արդեն այսօր» որոշում կայացնի Դոնբասից ուկրաինական զորքերի դուրսբերման վերաբերյալ։

Նրա խոսքով՝ երկամսյա ժամկետը չի քննարկվում։ Պեսկովը ընդգծել է, որ որոշումը պետք է անհապաղ կայացվի, և ուկրաինական ուժերը պետք է լքեն տարածքը և դուրս գան Դոնեցկի մարզի վարչական սահմաններից։

Նա նաև նշել է, որ նման քայլը կարող է «կանգնեցնել պատերազմի թեժ փուլը»։

Նախկինում Վլադիմիր Զելենսկին հայտարարել էր, որ Ռուսաստանը, բանակցությունների շրջանակներում, պահանջում է, որ Ուկրաինան երկու ամսվա ընթացքում դուրս բերի իր զորքերը Դոնեցկի մարզից՝ զգուշացնելով մերժման դեպքում ավելի խիստ պայմանների հնարավորության մասին։