Պատրաստվում են մեծածավալ ճգնաժամի

Wed, 01 Apr 2026 21:00:26 +0400

Եվրամիությունը պատրաստվում է տնտեսական մեծածավալ շոկի, որը կարող է համադրելի լինել կորոնավիրուսային պանդեմիայի առաջացրած ճգնաժամի հետ։ Այն պայմանավորված է էներգակիրների կտրուկ թանկացումներով։ Այս մասին հայտնում է Politico-ն։ Ներկայումս Եվրոպայում երկու հարց է օրակարգային՝ որքան լուրջ կլինի էներգետիկ ճգնաժամը ԵՄ տարածքում եւ որքան ուժգին կլինեն դրա հետեւանքները։ Ներկայումս, ըստ պարբերականի, կա ռիսկ, որ ճգնաժամը կառնչվի արդյունաբերության բոլոր ոլորտներին։ ԵՄ պաշտոնյաներից մեկը Politico-ին հայտնել է, որ ներկայումս Բրյուսելում այնպիսի տրամադրություններ են, որպիսիք եղել են կորոնավիրուսային համավարակի ժամանակ։ Նա ընդգծել է, որ ներկայիս ճգնաժամը կարող է լինել նույնիսկ շատ ավելի լուրջ, քան 20 թվականինը։