Ռուսական բիզնեսը զգուշությամբ է վերաբերվում հայկական կողմի հետ գործեր վարելուն․ Օվերչուկ
Thu, 02 Apr 2026 10:10:57 +0400
Ռուսական բիզնեսը զգուշությամբ էվերաբերվում հայկական կողմի հետ գործեր վարելուն՝ Եվրամիությանը Հանրապետության հնարավոր անդամակցության մասին խոսակցությունների պատճառով։ Այս մասին Առաջին ալիքի եթերում հայտարարել է ՌԴ փոխվարչապետ Ալեքսեյ Օվերչուկը։
«Եվ իսկապես՝ մենք ամփոփել ենք 2025 թվականի արդյունքները, մենք 12 մլրդ դոլարից հասել ենք 6,4 մլրդ դոլարի: Այսինքն՝ միայն այն մարդկանց խոսակցությունները, որոնք Հայաստանում խոսում են Եվրամիության մասին, հանգեցրել են նրան, որ Հայաստանն ու Ռուսաստանը միասին կորցրել են ավելի քան 5 մլրդ դոլար», – նշել է նա:
2025 թվականին Հայաստանի ապրանքաշրջանառությունը ԵԱՏՄ երկրների հետ կազմել է 8 մլրդ 40 մլն դոլար՝ 2024 թվականի համեմատ կրճատվելով մոտ 38 տոկոսով՝ Ռուսաստանի և երրորդ երկրների միջև ապրանքների վերավաճառքի անկման պատճառով։ Դրա մեծ մասը պայմանավորված է Ռուսաստանի հետ առևտրի գրեթե կրկնակի անկմամբ, ինչի մասին ավելի վաղ արդեն խոսել էր ՌԴ փոխվարչապետ Ալեքսեյ Օվերչուկը: