Դա զառանցանք է
Thu, 02 Apr 2026 11:17:21 +0400
Արցախի նախագահ Սամվել Շահրամանյանը կտրուկ է արձագանքել Նիկոլ Փաշինյանի այն հայտարարությանը, թե արցախցիները «փախել» են՝ այն որակելով որպես անհիմն և անընդունելի գնահատական։
Եռաբլուրում լրագրողների հետ զրույցի ընթացքում Շահրամանյանը կոչ է արել հասարակությանը, հատկապես արցախյան պայքարում իրենց ներդրումն ունեցած անձանց և զոհվածների հարազատներին, չտրվել նման հայտարարություններին։ Նրա խոսքով՝ այդպիսի խոսույթը միտված է հասարակության ներսում բաժանումներ ստեղծելուն և անհանդուրժողականությունը խորացնելուն։
Նա նաև ընդգծել է, որ ստեղծված իրավիճակը պայմանավորված է գործող իշխանությունների քաղաքականությամբ, որի հետևանքով արցախցիները կանգնել են ծանր իրողության առաջ։
Միաժամանակ Շահրամանյանը նշել է, որ արցախցիները շարունակելու են իրենց հայրենիք վերադառնալու իրավունքը պահել օրակարգում և պայքարել դրա իրականացման համար։
Շահրամանյանը զառանցանք է համարել Փաշինյանի այդ հայտարարությունը: