7 մագնիտուդ ուժգնությամբ երկրաշարժ է տեղի ունեցել

Thu, 02 Apr 2026 19:00:45 +0400

7,4 մագնիտուդ ուժգնությամբ երկրաշարժ է տեղի ունեցել Ինդոնեզիայի ափերի մոտ։ Այս մասին հայտնում է Եվրոպական-Միջերկրածովյան սեյսմոլոգիական կենտրոնը։ Ստորգետնյա ցնցումների էպիկենտրոնը գտնվում է Հյուսիսային Սուլավեսիի՝ 451 հազար բնակչություն ունեցող Մանադո քաղաքից 163 կմ դեպի արեւելք։

Օջախի խորությունը կազմում է 35 կմ։ Օվկիանոսային եւ մթնոլորտային հետազոտությունների Ամերիկյան ազգային կենտրոնը հայտարարել է, որ առկա է ցունամիի վտանգ։ Ավերածությունների, մարդկային զոհերի եւ տուժածների մասին տեղեկություններ չեն հրապարակվել։