«Հրապարակ»․ Առաջ ասում էի` նույնն են, հիմա ասում եմ` պարոն Փաշինյան, նախկիններին տվել-անցել եք

«Հրապարակ»․ Առաջ ասում էի` նույնն են, հիմա ասում եմ` պարոն Փաշինյան, նախկիններին տվել-անցել եք

Fri, 03 Apr 2026 10:45:03 +0400


«Հրապարակի» զրուցակիցը «Չորրորդ իշխանություն» կայքի խմբագիր Շողեր Մաթեւոսյանն է:

– Նիկոլ Փաշինյանն ամեն հինգշաբթի՝ կառավարության նիստից հետո, բրիֆինգի ժամանակ լրագրողների հետ վիճաբանության, ավելի կոնկրետ` լեզվակռվի մեջ է մտնում, վիրավորում է լրագրողներին, փորձում է նսեմացնել ԶԼՄ-ների աշխատանքը: Լրագրող Անի Գեւորգյանին երեկ վարչապետն ասաց` դուք հատուկ եք ուժայինների դեմը պառկում, որ անցնեն ձեր վրայով, հետո սկսեց բղավել լրագրողի վրա, լռեցնել նրան, եւ այսպես շարունակ: Ի՞նչ կարծիք ունեք Փաշինյանի՝ լրագրողներին ուղղված բառապաշարի մասին:

– Ես էլ էի լսում` սարսափելի է: Նիկոլ Փաշինյանն անդադար ինչ-որ լեզվակռիվների մեջ է ներքաշվում: Նա անհավասարակշիռ վիճակում է, գուցե՝ նաեւ նյարդային վիճակում, հատկապես, երբ հակադարձում են նրան, այդ ժամանակ է նյարդային վիճակում հայտնվում, նրան թվում է, թե եթե ինքն ինչ-որ բան է ասում` վերջ, այլեւս չի կարելի հակադարձել: Լրագրողների հետ այնպես է խոսում, ասես լրագրողներն իր ենթականերն են: Նա ինչ-որ բան շփոթում է, որովհետեւ լրագրողների հետ չի կարելի խոսել հրահանգիչի տոնով, իսկ նա չի կարողանում այդ տոնից իջնել: Մի խոսքով` Փաշինյանի հետ ինչ-որ բան այն չէ, նրա վիճակը վատ է: Ես կարծում եմ՝ դա բոլորի համար է տեսանելի….

– Իշխանական պրոպագանդիստներն ասում են, որ լրագրողներն են չափերն անցնում` չեն հարգում բարձրաստիճան պաշտոնյաներին, կիրթ ու մեղմ հարցեր չեն տալիս: Այ, որ նախկինները լինեին իշխանության, լրագրողները չէին համարձակվի այդքան ազատ խոսել նրանց հետ:

– Իսկ այդ նույն նախկինների ժամանակ, որ իրենց պաշտպանում էինք, ինչո՞ւ չեն ասում դա: Ի դեպ, նախկին իշխանություններն էլ էին ասում, որ երկիրը լրագրողներն են խառնում, որ լրագրողներն ամեն ինչ հատուկ են անում եւ այլն…. միշտ է այդպես եղել: Այն լրագրողները, ովքեր իշխանություններին ոչ հարմար խոսք են հնչեցրել, ինչ-որ կերպ թիրախավորվել են, բայց սրանք բոլորին տվել-անցել են: Ամեն բան չափից ավելի սուր է ընկալվում հիմա, եւ ես ուզում եմ վարչապետին հիշեցնել, թե ինքն ինչպես էր իրեն դրսեւորում, երբ լրագրող էր: Մենք՝ ոչ մեկս դեմ չէինք, որ իրենց այդպես են պահում: Հետո նա դարձավ ընդդիմադիր գործիչ, նույնն էլ՝ այդ ժամանակ: Դե հիմա թող դիմանա….

– Նիկոլ Փաշինյանը նախորդ շաբաթ լրագրողներից մեկին ասաց, որ եթե ինքը չլինի Հայաստանի վարչապետը, լրագրողներից շատերն աշխատանք չեն ունենա, հաշմանդամ կդառնան, ֆայլաբազարում կկանգնեն…

– Ասում է` կփակեմ օդերը, բայց այդ լրագրողները միշտ էլ եղել են ու կլինեն: Այս մարդը բռնապետական հակումներ ունի, երազում է, թե երբ է մի օր ազատվելու քննադատություններից, հակառակ դեպքում՝ նյարդերն ամեն օր տեղի են տալիս, չկա մի օր, որ սկանդալների մեջ չհայտնվի եւ չհրահրի: Ինքը հրահրում է, ինքը պատասխանում է, ինքը գոռում է, ինքը ներվայնանում է կամ գուցե չի էլ ներվայնանում, դա էլ հերթական դերասանությունն է, գուցե: Լրագրողի նկատմամբ նման անհարգալից բառապաշար, նման հայտարարություններ… դե հերիք եղավ, ամոթ է արդեն….

– Փաշինյանն ու իր թիմը պնդում են, որ նախկին իշխանությունների ժամանակ լրագրողներն ազատ չեն եղել, վախեցած են եղել, իրենք եկել են իշխանության եւ 2018-ից հետո ազատություն են տվել ԶԼՄ-ներին: Սա ասում է մի նախկին խմբագիր, որն ամենասուր քննադատությանն է արժանացրել նախկին իշխանություններին՝ իր խմբագրած թերթի էջերում….

– Ո՞վ ասաց, որ չենք կարողացել քննադատել նախկիններին: Այո, ամեն ինչ էլ եղել է` ծեծել էլ են, ջարդել էլ են, ավտոներ էլ են վառել, բայց դուք, պարոն Փաշինյան, նախկիններին տվել-անցել եք: Մի ժամանակ ասում էինք` տարբերություն չկա, հիմա ասում եմ` նրանց տվել-անցել են:

– Նախկինները գոնե այդքան դատական գործեր չէին սարքում լրագրողների ու խմբագիրների վրա:

– Այո, դե նայած, թե ով ինչի վրա է շեղված լինում: Ես կարծում եմ, որ լրագրողներն այժմ պետք է բոյկոտեն այդ մարդուն եւ չլուսաբանեն նրան: Ես վաղուց եմ բոյկոտել նրան: Նա ուզում է, որ իրեն հարցեր տան, եւ թելադրի իր օրակարգը ողջ հանրությանը: Լրագրողները պետք է միաբան լինեն: Այն ժամանակ կար դա, այսօր ես դա չեմ տեսնում, գուցե ես չեմ տեսնում ուղղակի: Ամեն դեպքում, մի լրագրողի համար ողջ ընդդիմադիր դաշտն իրար կխառնվեր: Աղմուկը շատ բարձր կլիներ, եւ հետո՝ այն ժամանակ կար ակտիվ քաղհասարակություն, հիմա սսկվել են, ձայնները դուրս չի գալիս, հավանաբար, ֆինանսավորվում են իշխանությունների կողմից, դրա համար սսկվել են:

– Ի դեպ, կիրակի օրը Սուրբ Աննա եկեղեցում տեղի ունեցած միջադեպի մասին ի՞նչ կարծիք ունեք: 18-ամյա մի երիտասարդ երկու ամսով կալանավորվեց: Փաշինյանը վստահ է, որ դպրոցական երիտասարդն իրեն ցանկանում էր սպանել:

– Սադրեց: Դա սադրանք էր: Ամոթալի միջադեպ էր:

© 2026 Secure News Portal

Source: Hraparak

Hraparak.am

Recent Posts

«Կալլասը երբեք իրատեսական թեկնածու չի եղել Մոսկվայի հետ երկխոսության մեջ Եվրոպայի ներկայացուցչի դերի համար»

«Կալլասը երբեք իրատեսական թեկնածու չի եղել Մոսկվայի հետ երկխոսության մեջ Եվրոպայի ներկայացուցչի դերի համար» Sun,…

8 րոպե ago

Ամերիկացի նախարարին արգելել են հեռուստաելույթներ ունենալ

Ամերիկացի նախարարին արգելել են հեռուստաելույթներ ունենալ Sun, 22 Nov 2026 20:00:56 +0400 Սպիտակ տան աշխատակազմի…

16 րոպե ago

Նախարարուհին ճիշտ չի խոսում․․․ սիրուն չի, տիկին Գալյան․ Լիլիթ Գալստյան

Նախարարուհին ճիշտ չի խոսում․․․ սիրուն չի, տիկին Գալյան․ Լիլիթ Գալստյան Sun, 22 Nov 2026 19:58:11…

19 րոպե ago

Ինչ տեսք ունի Հրանտ Թոխատյանը՝ երկարատև հիվանդությունից հետո

Ինչ տեսք ունի Հրանտ Թոխատյանը՝ երկարատև հիվանդությունից հետո Sun, 22 Nov 2026 19:48:30 +0400 Համացանցում…

28 րոպե ago

Մանրամասներ են հայտնի դարձել Իտալիայի ոստիկանության նախկին պետի մահվան մասին

Մանրամասներ են հայտնի դարձել Իտալիայի ոստիկանության նախկին պետի մահվան մասին Sun, 22 Nov 2026 19:37:33…

39 րոպե ago

Սկանդալ դպրոցական ավարտական քննությունների ժամանակ․ հրաժարական է տվել նախարարը

Սկանդալ դպրոցական ավարտական քննությունների ժամանակ․ հրաժարական է տվել նախարարը Sun, 22 Nov 2026 19:30:58 +0400…

46 րոպե ago