Բաքուն «ծանր է տարել» ռուս պաշտոնյանների՝ Արցախի մասին հնչեցրած խոսքերը

Բաքուն «ծանր է տարել» ռուս պաշտոնյանների՝ Արցախի մասին հնչեցրած խոսքերը

Mon, 06 Apr 2026 09:13:52 +0400


Ադրբեջանի արտաքին գործերի նախարարությունը հայտարարություն է տարածել Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի՝ ապրիլի 1-ին Մոսկվայում կայացած հանդիպումից հետո ռուս պաշտոնյաների կողմից արված մեկնաբանությունների վերաբերյալ։

Բաքուն նշել է, որ հանրային քննարկումների ժամանակ ռուսական կողմը բարձրացրել է «բացառապես Ադրբեջանի ներքին գործերին վերաբերող» հարցեր, ԱԳՆ-ին հղումով՝ հայտնում են տեղական ԶԼՄ-ները։

«Ադրբեջանի դիրքորոշումը Լեռնային Ղարաբաղի տարածաշրջանը քաղաքական շահարկումների համար օգտագործելու անթույլատրելիության վերաբերյալ, ինչպես նաև նման գործողությունների դադարեցման՝ մեր սպասումները դիվանագիտական ​​​​ուղիներով փոխանցվել են Ռուսաստանի նախագահի աշխատակազմին, կառավարությանը և Արտաքին գործերի նախարարությանը», – ասվում է հայտարարության մեջ։

Արտգործնախարարությունը ընդգծել է, որ, չնայած դրան, հարցը շարունակում է բարձրացվել Մոսկվայի պաշտոնական դիսկուրսում։ Ըստ ադրբեջանական կողմի, ՌԴ նախագահի մամուլի քարտուղար Դմիտրի Պեսկովը «Վեստի» հեռուստաալիքին տված հարցազրույցում կրկին անդրադարձել է Ղարաբաղը որպես Ադրբեջանի մաս ճանաչելու հարցին։

«Ղարաբաղի տարածաշրջանը Ադրբեջանի անբաժանելի մասն է ոչ թե որևէ պետության որոշմամբ, այլ պատմության, միջազգային իրավունքի և արդարադատության սկզբունքների հիման վրա», – հայտարարել է նախարարությունը՝ հիշեցնելով, որ սա «վերջնականապես հաստատվել է 2020 թվականի 44-օրյա Հայրենական պատերազմից և 2023 թվականի հակաահաբեկչական միջոցառումներից հետո»։ Բաքուն նաև վերահաստատել է, որ «ոչ մի երկիր, այդ թվում՝ Ռուսաստանի Դաշնությունը, երբեք կասկածի տակ չի դրել Ադրբեջանի տարածքային ամբողջականությունը»։

«Մենք ակնկալում ենք, որ Ադրբեջանի ինքնիշխանության հետ կապված հարցերը չեն դառնա հանրային քննարկման առարկա ռուս-հայկական ներկայիս բարդ հարաբերությունների համատեքստում», – ընդգծել է Արտաքին գործերի նախարարությունը։

Թե որն է Ադրբեջանի ԱԳՆ-ի վրդովմունքի պատճառը, տարակուսելի է, հատկապես, որ Ռուսաստանի նախագահը բազմիցս է նշել, որ ԼՂ-ն Ադրբեջանի մաս ճանաչել է ինքը՝ պաշտոնական Երևանը։

© 2026 Secure News Portal

Source: Hraparak

Hraparak.am

Recent Posts

Անելանելի վիճակ

Անելանելի վիճակ Sat, 21 Nov 2026 09:00:19 +0400 Փակուղին, որում իր գործողությունների ու վարած քաղաքականության…

20 րոպե ago

«Հրապարակ»․ Նոր սահմանադրության մեջ գրվա՞ծ է, որ անձը չի կարող 10 տարուց ավելի պաշտոնավարել

«Հրապարակ»․ Նոր սահմանադրության մեջ գրվա՞ծ է, որ անձը չի կարող 10 տարուց ավելի պաշտոնավարել Sat,…

34 րոպե ago

«Հրապարակ»․ Նախկին մարզպետի եղբայրը՝ ծառայության պետ

«Հրապարակ»․ Նախկին մարզպետի եղբայրը՝ ծառայության պետ Sat, 21 Nov 2026 08:20:42 +0400 Երեկ տեղեկացանք, որ,…

59 րոպե ago

«Հրապարակ»․ ՔՊ-ականները վերջին ու հուսահատ ճիգերն են գործադրում

«Հրապարակ»․ ՔՊ-ականները վերջին ու հուսահատ ճիգերն են գործադրում Sat, 21 Nov 2026 08:15:10 +0400 ՔՊ-ականները…

1 ժամ ago

«Հրապարակ»․ Ծառուկյանը ԱԱԾ պադվալում հումորներ է անում

«Հրապարակ»․ Ծառուկյանը ԱԱԾ պադվալում հումորներ է անում Sat, 21 Nov 2026 08:10:24 +0400 Նիկոլ Փաշինյանին…

1 ժամ ago

«Հրապարակ»․ Քաոտիկ վիճակ. քաղաքացիները խուճապի են մատնվել

«Հրապարակ»․ Քաոտիկ վիճակ. քաղաքացիները խուճապի են մատնվել Sat, 21 Nov 2026 08:05:07 +0400 Դեկտեմբերի 31-ը…

1 ժամ ago