Զոհեր և վիրավորներ կան․ Լիբանանը կրկին ռմբակոծվել է
Mon, 06 Apr 2026 10:30:29 +0400
Կեսգիշերից հետո Իսրայելի ռազմաօդային ուժերը հարձակվել են հարավային Լիբանանի Սուլթանիա և Արզուն քաղաքների վրա, որոնք գտնվում են Իսրայելի սահմանից մոտ 10 կիլոմետր հեռավորության վրա, հաղորդում է «Ալ-Մայադին» հեռուստաընկերությունը։
Իսրայելն օդային հարվածներ է հասցրել նաև հարավային Լիբանանի Նաբաթիե և Նաբաթիե ալ-Ֆաուք քաղաքներին։
Լիբանանի առողջապահության նախարարությունը հայտնել է, որ Իսրայելի հարձակումների հետևանքով զոհվել է առնվազն ութ մարդ, վիրավորվել են բազմաթիվ մարդիկ։
Բեյրութի հարավում գտնվող Ջնա շրջանում գտնվող թիրախի վրա Իսրայելի օդային հարվածի հետևանքով հինգ մարդ զոհվել է, իսկ Բեյրութի արևելքում գտնվող Այն Սաադե շրջանում գտնվող թիրախի վրա ավիահարվածի հետևանքով՝ երեք մարդ զոհվել է, երեքը՝ վիրավորվել։