Ազգային ժողովն այսօր՝ ապրիլի 7-ին, առաջին ընթերցմամբ 66 կողմ, 16 դեպ, 0 ձեռնպահ ձայներով ընդունեց Ընտրական օրենսգիրք սահմանադրական օրենքում փոփոխություններ կատարելու մասին նախագիծը։

ԱԺ նախագահ Ալեն Սիմոնյանը հայտարարեց, որ այժմ 3 ժամով ընդմիջում է հայտարարվում, որից հետո կվերադառնան և տեղի կունենա նախագծի երկրորդ ընթերցմամբ քվեարկությունը։

Նշենք, որ ՔՊ խմբակցությունը ստիպված էր երկու անգամ 20 րոպեով ընդմիջում վերցնել, քանի որ բավարար թվով ՔՊ-ականներ չկային դահլիճում, որպեսզի օրինագիծն անցներ։ 66 կողմ ձայներից մեկն էլ Գեղամ Նազարյանն է, որը փաստորեն կողմ քվեարկեց ապօրինի գործընթացին։

Հիշեցնենք, որ ըստ առաջարկվող փոփոխության, «Կուսակցությունների դաշինքի անվանումը չի կարող պարունակել անձնանուն, պետական եւ տեղական ինքնակառավարման մարմինների անվանումներ կամ դրանց շփոթելու աստիճան նման անվանումներ եւ (կամ) դրանց հոլովաձեւեր»։ Քվեարկությունից առաջ ՔՊ խմբակցության քարտուղար Արթուր Հովհաննիսյանը մոտեցավ եւ ըստ էության ցուցում տվեց Նազարյանին, որից հետո Նազարյանը կողմ քվեարկեց։