Տավուշում հանրակրթական 18 դպրոց փայտով է ջեռուցվում
Tue, 07 Apr 2026 17:25:33 +0400
Տավուշի մարզպետի աշխատակազմից տեղեկացանք, որ Տավուշի մարզի հանրակրթական 76 դպրոցներից 58-ը ջեռուցվում են բնական գազով, 18-ը՝ վառելափայտով։
Սակայն այն բնակավայրերը, որտեղ գործում են վառելափայտով ջեռուցվող 18 հանրակրթական դպրոցները, գազաֆիկացված են։
2025 թվականին Տավուշի մարզպետի աշխատակազմը պետական բյուջեից 65 միլիոն դրամի պարգեւավճար է ստացել։ Շատ ավելի փոքր գումարով կարող էին այդ 18 դպրոցներում բնական գազով աշխատող ջեռուցման համակարգեր կառուցել:
Դպրոցները վառելափայտով ջեռուցելը ոչ միայն նախնադար է, այլ բազմաթիվ անհարմարություններ են առաջանում․ երբեմն ուժեղ քամու պատճառով վառարանի ծխնելույզից ծուխը լցվում է դասարաններ, սևացնում, մրոտում դասասենյակի պատերը, խոնավ փայտը վատ է այրվում, երեխաների առողջական վիճակի վրա է ազդում եւ այլն։